General Santos City–Kasong pagsupak sa RA 9165 sec. 5 ug 11 sa Art II ang kasong atubangon sa duha ka mga suspect nga nasikop sa mga personahe sa Police Station 4 atol sa gihimong buybust operation alas 12:00 ang takna sa udto sa Prk. PI-16, Barangay City Heights, Gensan.
Giila ni PSI Dulawan ang mga suspect nga silang Boy Lindungan, 30 anyos nga nanimuyo sa Purok Islam, Barangay Dadiangas South ug Norrisa Monico, 37 anyos nga nanimuyo sa Barangay Labangal ning syudad.
Ang duruha notado matud pa nga mga tulak ug iligal nga droga ug nagagawas ang mga pangalan niini sa ilang gipahigayon nga pa pangalap ug mga impormasyon bahin sa mga lambigit niini.
Nasayran nga napalitan ug usa ka sachet nga shabu ang mga suspect nga nagkantidad ug P500.00 samtang nakuha sa ilang possisyon ang lain pang 5 ka sachet sa gituohang shabu ug ang buybust money.
