General Santos City—Hingpit nang gikasuhan sa NBI ang Station Manager ug News Director sa usa ka radio Station dinhi sa Gensan nga si Jonathan Macailing ug Boy Galano.
Alas 5:00 ang takna kagahapong adlawa dihang hingpit nang gikasuhan ang mga nasangpit ug Robbery Extortion with Intimidation sa City Prosecutors office nga adunay girekomendang pyansa nga P100,000.00 matag usa.
Wala na nagpagawas ug pahayag ang duruha kalabutan sa kasong ilang giatubang.
Kahinumduman nga una nang gisikop ang duruha atol sa gihimong entrapment operation sa NBI niadtong nakalabayng adlaw gumikan sa reklamo ug aligasyon pagpangilkil sa mga nasangpit ngadto sa usa ka negusyanteng pastor nga si Pastor Joel Apolenario founder sa Kabus Padatuon Ministry kon KAPA.
Samtang gibarugan usab sa kampo nilang Macailing ug Galano nga Frame up lang ang tanan. Nasayran nga ayha nadakpan sa entrapment sa NBI ang duruha, gibatikos matud pa sa mga nahisgutan ngadto sa ilang sibyahanan ang KAPA gumikan matud pa kini usa ka iligal.
