Sarangani Province—nakadawat ug Cash Assistance gikan sa Provincial Government sa Sarangani Province ang duha ka kanhing miyembro sa New People’s Army.
Mukabat sa P65,000.00 matag usa ang nadawat sa duha ka mga revel returnee ilawom sa programang Comprehensive Local Integrated Program (CLIP) sa OPPAP inabagan sa Provincial Government sa Sarangani Province.
Mismong si Sarangani Governor Steve Chiongbian Solon ang mitunol sa Cheke ngadto sa kang Alias Mateo ug alias Lea.
Nasayran nga una nang misurender ang duruha niadtong mga nakalabayng bulan human nga wala na makaagwanta sa kalisod sa ilang pagtago-tago sa kabukiran.
Dako usab ang pagpasalamat sa duruha ngadto sa gobyerno human sila gihatagan ug tsansa nga magbag-o. labawng gipasalamatan nila ang tabang nga gihatag sa gobyerno ngadto kanila aron sila subling makabangon human nga miapil-apil sa walhong pundok.
