May kaso na sang duha ka klase sang makalalaton nga variant sang coronavirus disease (COVID-19) sa South Cotabato.
Suno kay Disease Surveillance Officer Celia Lorenzo ini matapos nga duha ka mga returning overseas Filipinos (ROFs) ang nagpauli sa probinsya kag nadiskubrihan nga nagpositibo sa South African variant kag Brazilian variant sa diin halin ang mga ini sa Brazil kag Dubai.
Samtang gindiretso naman sa government quarantine facilities ang duha sang nag-abot ang mga ini sa probinsya bilang kabahin sang polisiya sang mga local government units sa mga OFW`s nga halin sa mga red-flagged countries..
Suno kay Lorenzo nagnegatibo naman ang duha sa swab test rason nga ginhatagan sila sang clearance sang Department of Health (DOH) nga magbalik sa komunidad.
Ginasiguro niya man nga wala suno pa ang mga ini sang nalatnan matapos nga nag-abot sa probinsya.
Ginkumpirmar man ni Maam Lorenzo nga may duha pa nga taga-South Cotabato ang naka-quarantine sa subong sa Metro Manila matapos nga nagpositibo man sa mga bag-o nga variants sang COVID-19.
Padayon naman nga ginaawhag sang IPHO ang katawhan nga ipatuman ang mga health protocols batok COVID-19.
