Nakadawat ug insentibo ang usa ka pulis ug NUP nga nadestino sa Zamboanga del Norte Police Provincial Office (ZNPPO) human kini sila mipasar sa bag-ohay lang nga 2019 Bar exam.
Ang paghatag ug insentibo usa kini ka pag ila sa nahimong kalampusan nila isip bag-ong mga abogado ug nagdala sa dungog sa hanay sa kapulisan dinhi sa rehiyon.
Gitunol ni ZNPPO Provincial Director PCol Ronald Briones ang 10k nga salapi ngadto kang Police Staff Sergeant Henrik T Ageas ug NUP Melquiades B Potoy III didto sa Camp Hamac, Sicayab, Dipolog City
Si Police Staff Sergeant Ageas, myembro kini sa Intelligence Section sa Sibutad Municipal Police Station, samtang si NUP Potoy III anaa kini sa Crime Registrar sa Mutia Municipal Police Station sukad pa niadtong tuig 2015.
Mi graduar kini sila sa Jose Rizal Memorial State University sa kursong bachelor of law.
