Nalandig tambalanan ang duha ka security guard human kini gipamusil sa wala mailang suspetsado alas 3 kapin kun kulang ang takna karong sayo sa kadlawon diha sa may palao ning dakbayan sa Iligan.
Ang mga biktima nailang si Henry Jaralba 34 anyos minyo ug igsuon niining si Jonas Jaralba 32 anyos minyo, puros taga Purok 16 Palao ning dakbayan sa Iligan.
Si Jonas Jaralba, naka angkon ug samad pinusilan sa iyang tiyan ug anaa karon sa kritikal nga kahimtang, samtang ang igsuon niining si Henry, ang naka angkon usab ug pinusilan sa paa ug ubang parte sa lawas.
Sumala pa, nga samtang sila gabantay sa STL outlet, kalit lang silang gipa arakan sa armas sa wala mailang suspetsado , nga sakay sa motor nga nakasuot ug facemask ug daling misibat sa wala matino nga direksyon.
Naka angkon ug samad sa pinusilan sa pipila ka parte sa lawas ang mga biktima nga gilayong gidala sa balay tambalanan.
Padayon karon ang imbestigasyon sa kapulisan labot sa maong insidente ug kinsa ang mga suspetsado nga mihimo sa maong krimen.
