2 ka sparu member sa NPA, nadakpan human nakigpinusilay sa PNP ug AFP

286

Nadakpan sa hiniusang puwersa sa kapulisan ug kasundaluhan ang duha ka gitoohang miyembro sa SPARU sa New People’s Army (NPA) human nga nakig-pinusilay pa kini sa mga kapulisan ug militar sa Purok 12, Barangay Tongantongan, Valencia City Bukidnon.

Matud sa Valencia City Police Station nga alas 2:30 sa hapon kagahapon nakadawat ug tawag ang ilang buhatan gikan sa concerned citizen batok sa upat ka gidudahang armadong lalaki sakay sa duha ka motorsiklo sa maong lugar.


Dali nga nakiglambigit ang Valencia CPS sa 2nd PMFC Bukidnon PPO, 1003rd RMFB, 88IB PA ug MIG10 ISAFP ug milusad sa operasyon.

Pa-abot sa otoridad sa mao nga dapit alas 4:40 sa hapon gipabuthan kini sa mga suspek hangtod nakorner ang duha ka mga NPA sa galingan sa mais.

Samdan nga nadakpan sa mga otoridad ang duha ka gitoohang NPA SPARU nga giila nga si Frederic Tagura alyas Rek-rek, ug Pedeng Matikinong alyas Santo, nga miyembro sa Coy “Thunder,” SRC 2, GF6, NCMRC.

Gidala pa kini sa balay tambalanan apan gipagawas ra usab tungod kay gamay ra ang samad nga na-angkon niini.

Narekober sa crime scene ang duha ka kalibre 45 nga armas, 13 ka mga bala, 1 granada, upat ka blasting caps, XRM nga motor, mga tambal ug subersidong dokumento.

Gikustodiya na sa Valencia CPS ang duha ka nasikop na suspek.

Sa interview sa RMN Malaybalay ngadto kang Lt. Col. Franklin Fabic, ang commanding officer sa 88th Infantry Battalion gibutyag niini nga upat ang ilang nakuha nga report subay sa taho sa mga sibilyan apan duha lang ang ilang naabtan sa mao nga dapit.

Unang mipabuto sa armas ang mga suspek nga nagresulta sa binayluay sa buhing bala hangtod nakorner, nasamdan ug nadakpan sa otoridad.

Facebook Comments

From Advertisers