General Santos City—Sikop sa gihimong buybust operation sa Police Sation 2 ang usa ka Dino Canete Moncaba, 38, residenti sa Bulaong vill., Barangay Labangal, Gensan sa gihimong Buybust Operation sa may corner Kps, national higway, labangal, alas 7:00 pasado ang takna sa gabie.
Nasikop nag nasampit human kining napalitan ug usa ka sachet sa gituohang shabu gamit ang P500.00 nga Marked Money.
Samtang gihold ang suspek sa kapulisan, nasuta nga adunay transaksyon ang maong suspek ug ang supplier niini mao nga ang kapulisan naghimo dayon ug lakang aron nga sikupon ang nasampit.
Ang supplier matud pa ni Moncaba anaa naghuwat kaniya sa may shell gasoline station, sa KPS national highway Brgy Labangal , GSC, apan ayha pa nakaporma ang mga pulis nakamatikod ang suspek sa presensya sa kapulisan mao nga iya kining gipabuthan.
Didto na mibalos ug pabuto ug pusil ang mga pulis diin naigo sa iyang paa nga bahin ang nasampit. Nasayran nga nag-ginukdanay pa ang mga pulis og ang suspetsado ayha kini nakorner atubangan sa Weighing Scale sa may Purok San Vicent, Barangay Labangal.
Giila ang suspek nga usa ka Roland Flora Guarin, 52 anyos, residenti sa Purok 5, Sto Nino, Brgy Apopong, Gensan.
Sa karon ang suspek nakaconfine na sa usa ka balay tambalanan sa dakbayan sa Gensan.Kasong kalapasan sa RA 9165 ang gikatakdang pasakaan ug kaso ang duha ka mga suspetsado.
