General Santos City— Gisugat ug duha ka insedente sa sunog ang Bureau Of Fire Protection Gensan pag sugod palang sa tuig 2020.
Sumala pa ni SFO1 Filamer Acub ang Arson Investigator sa BFP gensan nga unang gitwag kanila ang usa ka sunog sa Rivera Farm Barangay Lagao ning syudad alas 11 ang takna sa udto kung asa gilamoy sa kalayu ang bodega nga gipang-iyahan nilang mrs. Rue Ramas ug Mr. Micheal Zaldivia.
Sumala pa nga paspas gilamoy ang nasnagpit nga bodega human nga na abrihan sa caretaker ang kwarto nga gidudahan nga sinugdan sa sunog. Gibanabanaang anaa sa 225,000 ka pesos ang kinatibuk-ang danyus sa maong ug sa kasamtangan padayung pang gi imbistigahan sa BFP Gesan ang sinugdan niini.
Ang ikaduha nga responde man usab nila mao ang sunog nga nahitabo sa Doña Soledad Phase 1 kung asa nasunog matud pa ang cake nga gi bake sa baker sa maong lugar human nga napabay-an alas 6 ang takna sa gabie.
Sumala pa nga nadawat sa BFP Gensan ang report gikan sa mga silingan tungod sa baga nga asu nga naga gawas sa maong panimalay ug sa dihang ilahang gi repondehan nasayran nga ang oven nga gamit sa pag bake ug cake ang nasunog tungod kay na pasagdan.
Dugang pa ni acub nga maayu nalang kay gilayung natawag sa ilahang estasyon ang maong sunog ug wala na midaku ug mikalat sa mga kasigbot nga panimalay, mukabat man usab sa 10mil kapesos ang gibana-banaang danyus sa otoridad.
