General Santos City—Hingpit nang gipasakaan ug kaso sa Police Station 1 ang duha ka mga suspetsadong responsible sa pagpanulis sa biktimang si Ray Jane Hornada, 21, nga taga Rogan Subdivision, Barangay City Heights, ning syudad kansa natigayon sa may Pendatun, Barangay North, Gensan.
Mga suspek nga gikasuhan mao silang si Omar Dalmub, 26 anyos nga taga Barangay labangal, Gensan ug rahib Dalandas, 18 anyos nga taga Barangay Fatima, Gensan.
Nasayran nga samtang anaa ang biktima atubangan sa usa ka kan-anan sa may Pendatun street, kalit lang kining giduol sa duha ka mga suspek nga sakay sa motorsiklo dayon mideklara ug tulis.
Gikuha sa mga nasampit ang cellphone sa biktima dayon sibat sakay sa motorsiklo.
Nakit-an sa usa ka tricycle driver ang gihimo sa duruha , iyang gigukod ang mga nasampit, sakto usab nga adunay mga miyembro sa MPU nga nagpatrolya sa lugar nangayog tabang ang tricycle driver sa mga nahisgutan maong gigukoda ng mga suspek. Naabtan ug nadakpan ang mga nahisgutan sa Silway Bridge nga sakop sa Brangay West.
Malampuson usab nga narekober ang cellphone sa biktima nga giilog sa mga suspek.
Sa karon ang mga suspetsado pabiling nagtingkagol sa silda sa Police Station 1.
