Dipolog City- Kapin kon kulang duha ka mga toneladang basura sa dili malata ug malata ang nakolekta sa gipahigayon nga clean up drive sa barangay Sicayab ning dakbayan atol sa pag-obserbar sa National Earth Day karong tuiga
Gipasiugdahan sa mga opisyales ug mga kawani sa kagamhanang local sa Dipolog ug sa probinsya sa Zamboanga del Norte pinaagi sa Provincial Disaster Risk Reduction Management Council sa pagpamuno ni Engr. Christopher Zosa.
Naobserbahan nga tungod sa milabay’ng bagyo nga nasinati sa probinsya ug dakbayan maoy hinungdan sa pagdaghan sa mga gapnod ug lain laing basura nga dinapyas sa mga dagkong balod paingon sa mga kabaybayonan ning dakbayan
Ang mga nahipos nga mga basura nga dili malata gilabay ngadto sa dumping site nahimutang sa barangay Sangkol ning dakbayan samtang ang malata gilubong sa borehole upat ka tiil ang giladmon.
