2 ka truck, ginsunog sang NPA sa Miag-ao

1427

ILOILO – Ginsunog sang ginapatihan New Peoples Army (NPA) ang duha ka truck sa Barangay Wayang, Miag-ao, Iloilo, alas 3 sang hapon, Martes, Noviembre 14.

Suno sa pila ka mga residente, ginsunog sang mga NPA ang duha ka quarry truck bilang pagpabatyag sang ila pagpamatok sa illegal quarry operations sa suba sang Miag-ao.

Magluwas sa pagpamatok sa quarry, ginatan-aw man nga rason sang pagsunog sang truck ang pagpangayo sang revolutionary tax sang NPA.

Nahibaluan nga madul-ong kuntani sang balas ang truck sa Brgy. Agdum Miag-ao apang ginbantayan ini sa Brgy. Wayang kag ginsunog.

As of press time, ginatinguhaan pa sang RMN Iloilo nga malab-ot ang bahin sang LGU sang Miag-ao sa pagpamuno ni Mayor Macario ‘Doc Mac’ Napulan.

Facebook Comments