Batan-on gialigarang gidagit sa pulis

18

General Santos City—nagpakitabang sa hawanan sa konseho ang ginikinan sa batan-ong si Philip Bacudo kansa namissing human matud pa nga gidagit sa gituohang myembro sa Pulis.

Kagahapong adlawa, personal nga midangop ang ginikanan sa batan-on nga silang si Bernard ug Rosana Bacudo uban ang grupong I-defend human nga hangtud sa kasamtangan, wala pa makauli ang biktima.

Sumala ni Bernard nga Huwebes sa gabii dihang milakaw ang iyahang anak apan wala na makapauli ug basi sa impormasyon nga nakaa-bot kaniya, gidakop sa mga pulis ang iyahang anak sa may mabuhay road ning dakbayan.

Alegasyon niini nga gidala ngadto sa police station 4 ang trisikad nga gisakayan sa iyahang anak, apan wala na makit-an pa hangtud karon si Philip.

Base usab sa pahayag ni alyas Ian, kaubanan ni Philip, nga nag-inom sila niadtong higayuna, dihang pauli na, kalit matud pa sila gisita ug gipabuthan sa mga lalaking naka-motorsiklo rason nga sila naalarma ug paspas nga gipadagan ang sikad nga gisakyan.

Sa dihang nahutdan ug gasolina ang sikad, nag-iyahay sila ug panagan ug si Philip lang maoy naabtan.

Human niini wala na makabalik pa ang nasangpit nga batan-on butang nga gikaguol sa mga ginikanan niini. (Dave Silagan)

Facebook Comments