Nangandam na karon ang duha ka mga tulunghaan sa siyudad sa Malaybalay alang sa ipahigayon nga pilot testing sa face to face nga klase.
Sa interview sa RMN DXMB Malaybalay ngadto kang Ralph Quirog, ang chief education supervisor sa Malaybalay City Division, gibutyag niini nga ang duha ka mga tulunghaan sa dakbayan ang gisuta sa DEPED regional office 10 nga mao ang Mapayag Integrated School ug ang San Martin Agro Industrial National High School.
Sa karon, aduna nay pagtugot kini sa LGU-Malaybalay alang sa pagahimoon nga face to face nga klase ug kamulo na usab sila sa pagpangandam.
Nakatakdang himoon ang pilot testing sa face to face karong Abril 24 hangtod Hulyo 11 ning tuiga.
Gipasabot usab ni Quirog nga wala usab kini nagpasabot nga muadto tanang estudyante sa tulunghaan kon dili limitado lamang sa pipila ka mga grado.
Sama sa Mapayag Integrated School, limitado lamang kini sa grade 1 ug grade 3 samtang sa San Martin Agro Industrial National High School mao lamang ang grade 12.
