General Santos City—balhog sa silda sa Police Station 7 ang duha ka mga suspek human nga nasikop sa operatiba sa kapulisan atol sa gihimong buybust operation sa Purok 5, Barangay Apopong ning dakbayan.
Mga suspek giilang silang si Juanito Cabero, 32 anyos, karpentero, residenti sa Purok 5, Barangay Apopong ug Genon Candas, 22, Karpentero, residenti sa purok Maunlad, Barangay Apopong, Gensan.
Alas 3:00 pasado ang takna kagahapong adlawa dihang gihimo ang buybust operation batok sa mga suspek.
Unang sabot sa pulis nga nagpakarong-ingnong poseur buyer didto himuon ang transaksyon sa Barangay Fatima apan nausab ang venue ug tua nalang gihimo sa Barangay Apopong nga miresulta sa pagkasignit sa mga nahisgutan.
Sa karon giandam na ang Kasong kalapasan sa R.A 9165 nga atubangon sa mga suspek.
