General Santos City—gipaklaro ni Police Chief Inspector Jovenson Bayona, tigpamaba sa Gensan City Police Office (GSCPO) nga daan ng mubo ang index ug non-index crime sa dakbayan kung itandi sa ubang lugar sa Rehiyon 12.
Sumala niya nga tungod sa mubo na kining daan dili kini gilayong ma-zero gumikan pabilin man nga adunay maitalang ginagmay nga krimen.
Dugang pamahayag ni PCI Bayona nga usa ka maayong balita alang sa kapulisan ug sa katawhan ang pag-ubos sa crime rate sa tanang lugar sa rehiyon gumikan resulta kini sa pagtinabangay aron nga magpabiling luwas ang usa ka lugar.
Gidugang pa sa opisyal nga bisan 2% lang ang gi-ubos sa crime rate sa Gensan, nagpabiling nagatrabaho ang kapulisan aron nga maubsan pa ang nagakahitabong krimen.
Pagpaklaro niya nga ginapaningkamutan sa kapulisan sa dakbayan nga masulbad ang tanang matang sa kriminalidad pinaagi sa pagpahigayon ug mga police operation ug police visibility.(Dave Silagan)
