CAUAYAN CITY- Isang kahanga-hangang halimbawa ng katapatan ang ipinamalas ng dalawang mag-aaral mula sa Barangay Cabatacan, Pudtol, Apayao matapos nilang magsauli ng isang coin purse na naglalaman ng P15,000.
Kinilala ang mga mag-aaral na sina Jhay-Ann Guillermo at Ms. Fate Emerald Guillermo, na napulot ang wallet sa Pudtol Public Market. Agad nilang dinala ito sa himpilan ng pulisya upang matiyak na maibalik ito sa may-ari.
Sa tulong ng mga awtoridad, natunton ang may-ari ng wallet, na nagpasalamat sa kabutihan ng dalawang mag-aaral. Bilang pasasalamat, binigyan niya ang mga ito ng pabuya para sa kanilang ipinakitang integridad at malasakit.
Facebook Comments
