Un grande tragedia el ya sosede con el familia Francisco de Luyahan, Pasonanca despues dos del diila maga anac hombre el yan lumus y ya muri na un danao na mismo siempre lugar del Biyernes tarde.
El maga victima amo el man hermano, John Carlo Francisco, 7 y su menor si John Christian Francisco, 5, ambos ta queda na Cluster 4, Shanty Town, Luyahan, Pasonanca.
Asegun na report del pulis bnada alas 5:20 del tarde cuando el man hermano ya apunta Kanya Drive, Luyahan na mencionao barrio particular na un quarry site donde tiene un danao y lleno de agua.
Aqui asegun ya banya el dos bata y porcausa hondo el agua ya man lumus estos.
Tiene del maga concierne persona el ya ayuda canila y ya lleva entabla para na West Metro Medical Center pero nohay swerte, ya declara canila dead on arrival.
El maga pulis del Sta. Maria Police Station ta imbestiga pa ahora con el incidente.
