Magpet, North Cotabato— Dead on the spot ang usa ka retired army human kining gipusil sa may Poblacion St, Magpet, alas 4 pasado ang takna sa hapon. Giila sa Magpet Municipal Police Station ang biktima nga si Ronel Galupo, 42 anyos nga residente sa RVM Subd. Brgy. Poblacion, Magpet, Cotabato.
Basi sa imbestigasypn sa kapulisan, sakay ang biktima sa iyahang motorsiklo apan paghidangat sa nasangpit nga lugar, kalit nalang kining gipusil sa wala mailhing suspek.
Nakangkon ug tulo ka igo pinusilan ang biktima sa iyahang lawas nga hinungdan sa iyahang hinanaling kamatayon. Narekober sa crime scene ang tulo ka basyo sa kalibre 45 nga armas.
Sa kasamtangan, padayon ang ginahimong imbestigasyon sa kapulisan sa motibo sa maong krimen.
Facebook Comments
