2 matador arestao

20

Ya pwede ya aresta el maga pulis con el dos persona quien ya mata con un pulis na Nuñez Extension del Octubre 13.
Con el dos suspechao ya conose como canda Madz Sarwana, 31, casao de Tawi-Tawi y ta arquila casa na Triplett, Sto. Niño y si Alcid Jakaria Ismael, 19.
El aresto del dos suspechao ya queda possible el ayuda del tiyo Di Ismael quien ya coordina con el maga pulis del Station 11 para cuji canila dos.
Con Sarwana ya aresta na su boarding house mientras con Ismael ya cuji na Veterans Avenue Extension na Tumaga.
Maga pulis ya recobri canila el dos calibre 45 pistola con maga bala.
Asegun con Sarwana del Octubre 12 denoche ya cuji conele si Patrolman Pedro Umpad por el violacion del expired registration del motor.
Por su rabia serca man alas 4 del aga alamañana junto con Ismael ya busca sila con Umpad hasta ya Mira sila con este ta cuji tamen con el maga ta man drag racing na Nuñez Extension donde dayun yan daguit estos con Umpad y si Sarwana ya rega de bala conele.
El uban Di Umpad si Patrolman Adamer Pandangan ya pwede pa imbisti pormedio de tira con canda Sarwana pero despues del su dos tiro nohay mas rebenta su pistola.
Aqui ya puede escapa canda Sarwana donde si Ismael amo el ta maneha con el diila motorsiclo aquel hora.

Facebook Comments

From Advertisers