ILOILO CITY – Nagpaggwa sang duha ka memorandum orders si Acting City Mayor Jose Espinosa III agud makakuha sang paathag sa isyu angut sa pagpanagtag sang syudad sang mga native nga manok.
Kasunod ini sang meeting ni Espinosa kay City Agriculturist Romulo Pangantihon, City Veterinarian Tomas Forteza kag General Services Office Head kag bids and awards committee Chairman Joren Sartorio.
Suno kay Espinosa ginmanduan niya si Pangantihon nga maghimo sang paathag sa implementasyon sang proyekto samtang magahimo naman sang audit si Atty. Mary Joan Montaño nga amo ang head sang internal audit office.
Pahayag ni Espinso diri na magadepende ang masunod nga akto sang syudad sa mga kapaltahan nga nakita sa proyekto.
Nahibaluan nga nagin isyu ang kadakuon sang manok nga gindeliver sang Food Wealth Agrovet nga wala nakalambot sa 300 grams.
Indi man masiguro kun bala kumpleto sa bakuna antes ginpanagtag ang mga manok.
