Davao City – Giklaro sa duha ka pamilya sa menor de edad nga wala gi-kidnap ang 14 anyos nga si alyas Angel, taga Brgy. Binugao, Toril ug alias Christine ,17 anyos, nga na-missing sa Brgy. Matina Aplaya, Davao City niadtong Agusto 24, 2022 atol sa paghinabi sa mga tigbalita sa gipahigayong press conference sa Davao City Police Office (DCPO) kagahapong adlawa Agusto 29, 2022.
Saysay pa sa 14 anyos, nilayas siya tungod gikuha sa iyang ginikanan ang iyang cellphone ug pa-undangon sa pag-eskwela, samtang si alyas Christine nilayas usab tungod kay adunay problema ug gihambing nga balatian.
Sumala ni Police Col Alberto Lupaz DCPO City Director, ipa-ilawom sa free counseling ang duha ka menor de edad tungod kay naapektohan ang panghuna-huna ug posibleng na-trauma sa maong panghitabo.
Gidugang ni Lupaz, makigkoordinar ang Davao City Police Office (DCPO) sa Gen. Santos City Police Office aron ma-identipika ang driver sa pick up nga gisaksan sa 14 anyos ug mag-atubang og kasong pagdagit sa menor de edad.
RadyoMaN Don Pulayao
Facebook Comments
