Sa interbyu sa DXDC RMN Davao kang Police Major Amante Nozares, giila niini ang driver nga si Jerome Jabiguero, 46 anyos, taga Bukidnon, ug kauban niini ang iyang asawa sakay sa ilang kotse.
Saysay ni Nozares, gikan sa lamay sa Toril, Davao City ang magti-ayon ug pauli na kini sa Bukidnon sa dihang nakatagpilaw ang driver rason nga nahulog ang sakyanan sa ubos nga bahin.
“Kay nakapagpilaw man siya, nasalungat siya sa other lane, sa opposite lane. Pagkatapos, ni-swerve ang sakyanan tapos mao ‘to nibalikyad siya. Nag-overturned ang sakyanan,” saysay ni Nozares.
Nakahiagom og minor injuries ug bun-og ang magtiayon apan wala na kini nagpadala sa hospital. Wala ra usab nadamyos ang balay duol sa nahulogan sa sakyanan gawas sa mga bulak.
Pasidaan sa awtoridad nga seguradohong sakto ang tulog ug kondisyon ang lawas una mubiyahe aron likay sa disgrasya.
RadyoMaN Kirby Manzon
