General Santos City—walay serting nakabsan gyud ug kinabuhi ang upat ka mga personahe atol sa nahitabong banggaanay sa duha ka motorsiklo sa Barangay Cogon, Malungon, Sarangani Province alas-3:40 pasado sa hapon niadtong Dominggo Oktobre 1, 2017.
Ang mga biktima ang giilang silang Mharly Lumapas Muda, 13 anyos, grade 7, Roderick Escala,17 anyos, grade 10, parihong mulopyo sa Sitio Fatima Barangay Malalag Cogon Malungon, Arnel Matango Saldua, 17 anyos, out of school youth, residente sa Sitio Dosentos Barangay Kawayan, Malungon Sarangani, Arnel Yata Mad, 20 anyos, ulitawo, mag-uuma, og Rogelio Tiana, 58 anyos, minyu, mag-uuma, mulopyo sa Purok 2 Sitio Upper Lamcanal Barangay Malandag Malungon Sarangani Province.
Sa maong insidenti, 3 ang on the spot patay samtang usa ang gideklarang dead on arrival sa Malungon Municipal Hospital, samtang usa karon ang nagpabilin sa usa ka pribadong balay tambalanan dinhi sa Gensan.
Nasayran nga usa sa nasampit nga motorsiklo ang gikan sa General Santos ang paingon sa direksyon sa-Davao, samtang ang laing usa ang padulong sa Sentrong bahin sa Malungon nga direksyon. Sa karon padayon pa ang kapulisan sa pag imbestiga sa tinuod nga nahitabo. Apan milutaw sa pasiunang imbestigasyon sa Malungon PNP pinaagi ni P03 Bonifacio Reformena nga usa sa mga motorsiklo ang nag overtake hinungdan nga nagkasugat ang duruha og nagbangga.
