Un alegao ladron y un 40-año de edad persona muerto na dos separao incidente de tiro enantes aga y anoche.
Enantes temprano mientras ta man duty el guardiya del GVS travellers’ inn na Governor Alvarez Street si Rene Boy Carillo ya puede le nota tiene tres persona ya entra.
Unu del tres ya puede columbra si Carillo y ya sopla le de tiro usando su 9mm pistola y ya tupa na deste derecha carillo.
El suspechao masquin irido ya junto consu dos uban ya puede pa corre pa afuera pero ya tumba este serca na puerta del establisimiento mientras su dos uban ya puede escapa.
Ya muri enseguidas el suspechao porcausa con el tupada de bala na su carillo y yan entra na cabesa.
Con Carillo ya pone bajo na costodia del pulis.
Mientrastanto alas 9:45 del noche mientras ta man text na cell phone afuera del diila casa si Alex Esperat, 40, año de edad tiene ya lang dos persona armao de calibre 45 pistola y 9mm pistol ya rega conele de bala.
Cuando ya tumba el victima ya continua pa tira conele el maga criminal hasta ya muri le.
