ARESTADO | Lalaki, dakop sa drug buy bust operation; suspek, isa ka drug surenderer

205

Roxas City, Capiz – Dakop sa ginkasa nga drug buy bust operation sang Provincial Drug Enforcement Unit (PDEU) ang isa ka persona matapos makig-transaksyon sa poseur buyer nga miyembro sang operatiba sa sitio Lawis, Barangay Baybay, Roxas City.
Apat ka sachets sang suspected shabu ang narekober sa sa mga kamot sang suspek nga ginkilala kay Julius Anisco, residente sang Barangay Culasi, syudad sang Roxas. Magluwas sa apat ka sachets sang illegal nga droga, nakuha man sang mga kapulisan ang isa ka libo ka pesos nga marked money, lighter kag motorsiklo nga ginsakyan ni Anisco.
Ang nasambit nga operasyon, ginpamunuan ni Police Senior Inspector Hilbert Gervero, team leader sang PDEU. Yara na sa kustodiya sang Roxas City PNP ang suspek kag natalana nga pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
Nahibaluan nga si Anisco ang isa man sa mga drug surrenderers sang Barangay Culasi, apang liwat nga nagbalik sa pagbaligya sang illegal nga droga.

Facebook Comments