General Santos City—Samdan ang mga biktimang silang si Gimax Macasa, legal age, nga taga Barangay Labangal, Gensan ug Alias Alican, 17 anyos nga taga Barangay Bula human nga gidunggab sa suspek nga si Omar Palacad, legal age nga taga Litan Vill, Sinawal, Gensan.
Sa report sa Police Station 6 nasuta nga alas 9:00 ang takna sa gabie dihang nag inum ang mga biktima uban ang suspek sa usa ka imnanan sa may Purok Islam, Barangay South, Gensan.
Dihang nangahibog nagbingkil ang mga nasampit ug nag sinumbagay. Human sa pipila ka minutos migawas sa imnanan ang suspek ug pag balik niini duna na kini dalang kutsilyo, pero ayha pa kini nanunggab nakigsinumbagay kini subli ngadto sa biktima.
Ug dihang nakahigayon didto na niya gibunlot ang iyang kutsilyo ug giwara-wara nga hinungdan sa pagkasamad sa mga biktima. Paspas nga misibat ang suspek human sa krimen samtang ang duha ka biktima gidala gilayon as pribadong balay tambalanan sa Gensan.
