2-nahulog sa boom truck, 1 patay

11

General Santos City— Usa patay samtang usa angol human aksidenting nahulog sa gisakyang boom truck sa may diversion Road, alas 4:30 ang takna sa hapon, kagahapong adlawa.

Biktimang namatay giilang si Elmer Araiza Tejero, 45, residenti sa New Village, Barangay Apopong. Samtang ang angol giilang si Jule Navaro, 59, residenti sa 5th Road, barangay Calumpang.

Basi sa natala sa Mindanao Medical center, nasuta nga sakay ang mga nasangpit sa Boom truck pag abot sa may diversion road pag kurbada sa sakyanan nahagbong ang duruha human nga wala nakagunit.

Nakaangkon ug samad sa ulo nga bahin si Elmer samtang mga gasgas sa nagkandaiyang parti sa lawas ang naangkon ni Navaro.

Paspas nga gidala ang mga biktima sa ospital apan nakabsan ug kinabuhi si Elmer human sa pila ka oras nga pagpabilin niini sa ospital gumikan na usab sa grabeng samad nga iyang naangkon.

Sa karon nagpadayon pa ang gihimong imbistigasyon kalabutan sa insidenti.

Facebook Comments