TACLOBAN CITY – Ha sobra 480 nga barangay ha Sinirangan Bisayas nga gindeklara han Philippine Drug Enforcement Agency kumo drug-cleared barangays waray bis usa dinhi in tikang ha Calbayog City ha Samar.
Pero yana nga bulan han Desyembre han 2017, gindeklara han PDEA an Brgy. Rawis ngan Trinidad nga pinaka syahan nga barangay han Calbayog nga gindeklara nga drug cleared.
Sumala kan Calbayog City Mayor Ronald Aquino, kinahanglan nga makipag kooperar an molupyo, law enforcement authorities, ngan mga opisyales han syudad para mawara na iton presenta hin droga ha ira syudad ngan maipailarom ha Community-Based Rehabilitation Program o kun CBRP.
Pinakamakuri nga ginbubuhat sumala han PDEA ha Samar an validation process ha mga barangay para masiguro nga waray na pusher, user ngan illegal drug trade ha mga Barangay.
Pahinumdom ni PDEA Regional Director Edgar Jubay, diri karuyag sidngon nga madedeklara an usa nga barangay nga drug cleared in diri na mabalik an droga ha barangay. Kinahanglan sumala han opisyal nga mamentenar ini han mga gintutu-inan.
