TACLOBAN CITY – Nadakop han mga kasundaluhan an duha (2) nga lalaki nga gintutuuhan nga mga miyembro han NPA nga mayada dara nga bomba o improvised explosive device (IED) ngan .45 pistol ngan may sulod nga mga bala, ini in sumala han Philippine Army.
Naaresto ini han mga kasundaluhan han 20th Infantry Batallion ha Brgy. Henogawe, Gamay, Northern Samar dida han dominggo, November 17.
Ginkilala an mga suspek nga hira Agosto Baldoza alyas “Allan” ngan Ricky Capoquian, pareho nga mga residente han nasabi nga barangay. Hi Baldoza in nakila-an han militar matapos ini summurender dida han August 3, 2017 pero bumalik pagka NPA dida han October han pareho nga tuig.
Sumala han 20th IB, umamin hi Allan nga mayada hiya dara nga IED.
An pareho nga suspek in may pending nga warrant of arrest matapos makilal-an nga dabi hira an pag-atake ha Gamay Municipal Police Station dida han tuig 2004.
Ha pagka yana, ada na ha kustodiya han Gamay PNP an mga suspek ngan papasakahan hin kaangayan nga kaso.
