General Santos City—Sikop sa operatiba sa Police Statuion 4 ang duha ka mga lalaki nga may kasong rape atol sa ilang gilusad nga sunod-sunod nga manhunt Charlie sa managlahing lugar dinhi sa dakbayan sa Gensan.
Unang nasikop alas 9:00 sa buntag si Jorge Tabon, legal age, residenti sa Purok Guadalope, Barangay Conel, Gensan. Ang nasampit ang adunay warrant of arrest sa kasong lugos nga una nang gipagula sa RTC Branch 22. Si Tabon ang gikaingong number 6 most wanted sa Police Station 4.
Sunod nga nasikop ang suspek nga si Ariel Itang, legal age, usa ka mananagat ug residenti sa barangay Lam kanal, Maasim, Sarangani Province.
Si Itang ang adunay warrant of arrest sa kasong lugos nga gipagula higayon sa RTC Branch 22, kansa una nang nasikop alas 3:00 ang takna sa hapon sa may Bula-Lagao Road, Gensan.
Nadakpan ang nasampit nga suspek didto mismo sa ilang lugar sa Maasim, Sarangani Province.
Sa karon ang duruha parehong balhog sa silda sa Police Station 4 ug ginahuwat nalang ang commitment order aron nga mabalhin na kini ngadto sa Gensan City Reformatory Center.
