TACLOBAN CITY – Nagka-engkwentro an mga kasundaluhan ngan gin-aaligar myembro han New People’s Army (NPA) ha Brgy. Carolina, Matuguinao, Samar kanina han alas 10:00 han aga, January 29, 2019.
Basi han report tikang ha 803rd Brigade han Philippine Army, nagdudumara hin extortion an mga armado nga NPA ha mga residente ha nasabi nga barangay.
Nai-report ini dayon ha Philippine Army, pag-abot han militar, nagtikang dayon an engkwentro.
Umabot ha 20 minutos an purugsilay.
Napatay an duha (2) nga gin-aaligar myembro han NPA ngan narekober pa an tulo nga armas, usa (1) M16 rifle, usa (1) kg 9mm, ngan usa (1) shotgun.
Nakikipag-koordinar na an Philippine Army ha Local Government han Matuguinao para makilala an duha nga myembro han NPA.
Ha pagka yana, nagdudumara hin hot pursuit operation an mga otoridad para madakop an iba pa nga naka-eskapo nga NPA.
Sumala kan BGen. Ramil Bitong, mapupugngan unta an nahinabo nga insidente kun namati la an mga NPA ha panawagan han gobyerno nga sumurender na.
“We cannot let this bandits getaway with the atrocities they committed against helpless civilians. I’ve said many times that we will not rest until these bandits are banished or be killed.” – BGen Bitong
