General Santos City—- Hagit alang sa Gensan City Police Office ang 2 porsyento nga pag-ubos sa non-index crime ug index crime sa dakbayan milabay’ng tuig 2017. Sumala kang Gensan City Councilor Atty. Franklin Gacal Jr. chairman sa Peace and Order sa konseho nga katuuhan ang maong datus nga una ng gipagawas sa Police Regional Office 12.
Pamahayag niini nga ang maong datus ang hagit alang kang Police Senior Superintendent Romeo Ruel Berango, Acting City Director Sa GSCPO nga ayuhon pa pagtrabaho aron nga sunod tuig, Gensan na ang makonsiderang pinaka-luwas nga lugar sa rehiyon.
Apan gipaklaro niya nga ang pagbantay sa siguridad, ang dili lang trabaho sa kapulisan ug militar kundili kini ang trabaho usab sa mga sibilyan, busa iyahang gi-awhag ang tanan nga magpakabana.
