TACLOBAN CITY – Patay an 2 nga sundalo samtang samaran naman an 1 pa ha burublag nga pag-atake han gintutuuhan nga nga teroristang NPA ha Samar.
Subay ha report han Police Regional Office 8, namatay an duha nga sundalo nga ginkilala nga hira Corporal Robert Bueno ngan PFC Ronel Labid ha engkwentro ha boundary han Barangay San Antonio ngan Barangay Catotogan han Las Navas, Northern Samar lunes han aga, April 15.
An nakasibilyan nga mga sundalo in kaparte han clearing ngan route security personnel han 543rd Engineer Combat Battalion.
Gin-iinspeksyon han militar an mga road projects ha mga barangay han San Antonio, Aguinaldo ngan Isirdo ha ilarom han Payapa at Masaganang Pamayanan (Pamana) han tambangan hira han mva myembro han New People’s Army (NPA).
Samtang, samaran naman hi PFC Renand Antojado ha ambush ha Barangay Literon han Calbiga, Samar.
Kaupod nga napahuway ni Antojado an iba pa nga sundalo ha Clabiga River han pamumusilon hira an 5 nga rebelde.
Samaran hi Antojado ha balyuay hin buto han pusil, naidara naman dayon ini ha Calbiga Municipal Health Station.
