2 pa ka miyembro sang NPA nagsurender sa Sultan Kudarat tungod sa sunod-sunod nga military operations.

19

Duha pa ka mga miyembro sang communist terrorist group ang nagsurender, matapos ang sunod-sunod nga military operations sa Sultan Kudarat.
Ginkilala ni WestMinCom Commander Lt. Gen. Corleto Vinluan, Jr., ang mga nagsurender nga sanday Jonathan Saliling, a.k.a. Jonathan/Atan kag Michael Lugko, a.k.a. Umpak/Michael, pareho miyembro sang East Daguma Front, Sub-regional Command Daguma, Far South Mindanao Region sa idalom ni Arthuro Arsigan, a.k.a. Macmac.
Nagsurender ang duha sa 7th Infantry Battalion sa Barangay Kalawag 2, Isulan, Sultan Kudarat sa una nga adlaw subong nga tuig.
Ginsurender sang mga ini ang duha ka M1 Garand rifles (Springfield) nga ginconvert sa M14 rifles.
Sa inisyal nga imbestigasyon ginpahayag ni alyas Jonathan nga gutom kag kapoy na sila sa pagpanago tungod sa sunod-sunod nga military operations kag airstrikes.
Suno naman kay a.k.a. Umpak nahadlok siya nga mapatay sa padayon nga operasyon sang pwersa sang gobyerno.
May-angot sini, suno kay Brig. Gen. Roy Galido, 601st Infantry Brigade Commander nga i-enrol naman sa reintegration program sang gobyerno ang duha agud nga indi na magbalik sa indi maayo nga buluhaton.
credit Westmincom

Facebook Comments