Butuan, Philippines – Dalawa ang nasawi at isa ang sugatan sa pamamaril ng
riding in tandem sa Brgy. Mabini, Cabadbaran City, Agusan del Norte.
Kinilala ng Cabadbaran PNP ang mga napatay na sina Antonio Cailing ng Brgy
9, Cabadbaran City at Dario Broa isang billiard pin boy, residente ng Brgy
Basilisa bayan ng RTR.
Sugatan naman si Vicente Galo na patuloy pang ginagamot ngayon sa Agusan
del Norte Provincial Hospital.
Sa inisyal na imbestigasyon ng pulisya, naglalaro lang ng bilyar sa loob
ng Tophers Billiard Hall ang dalawang biktima na sina Cailing at Broa ng
bigla na lang itong pagbabarilin dalawang hindi pa nakikilalang armadong
lalaki.
Sinasabing, nadamay lang sa pamamaril ang isang tricyle driver na si Galo
na bumili lang ng katol sa tindahan sa lugar kung saan nangyari ang
pamamaril alas nuwebe kagabi.
