Dipolog, Philippines – ‘Zamboanga Del Norte is the safest and the most
peaceful province in my area of responsibility compared to other provinces
like Zamboanga Del Sur, Zamboanga Sibugay, Basilan, Tawi-Tawi and Cotabato.’
Ito ang pahayag ni Col. Mohd Fazly Said, ang team site 3 leader ng
International Monitoring Team (IMT) na nag-representa sa bansang Malaysia
sa kanilang ginawang courtesy call kay Governor Roberto Y. Uy sa lalawigan
ng Zamboanga Del Norte.
Ayon kay Said, na sa wala pa silang natalaga bilang isa sa mga miyembro ng
monitoring team on peace process na madestino sa isla ng Mindanao,
pinag-aralan nila ang sitwasyon ng peace and order sa kanyang area of
responsibility at kanilang nakita na ang Zamboanga Del Norte ang siyang
pinaka-safe at tahimik kumpara sa ilang mga probinsya sa Mindanao.
Kasama rin ni Said si Malik Caril, isang sakop ng MILF core group at lider
ng coordinating committee on cessation of hostilities ng zambasulta area
para talakayin ang hinggil sa polisiya ng MILF sa pagtanggap ng anumang
proyekto mula sa gobyerno.
Sa kanilang paghaharap, nagkakaisa ang bawat panig na magtutulungan at
magsagawa ng isang dayalogo sa mga opisyal ng probinsya at MILF para
masiguro ang kapayapaan sa buong lalawigan.
