Mga batan-on nga nagpa-dispedida sa ilang higala nga lumargahay sa gawas sa nasud , nisangpot sa trahediya , sa ilang pagka-aksidente sa kadalanan .
Patay ang duha , samtang duha usab nila ang na-angol human na nabangga ang ilang gisakyan nga SUV sa flyover sa Barrio Luz kaginang pasado alas 3:00 sa kadlawon .
Lakip sa namatay mao ang nag-drive sa sakyanan nga si Louis Mitchel Naire Ferolin , 23 anyos ug si Alexa Eddie Carvajal 21 anyos nga pulos taga Mandaue City.
Samtang ang nangaangol mao ang ilang gidispedidahan nga si Jamayla Jihla Codilla nga taga Talisay City ug laing kauban si Caira Loisse Colonia .
Matud ni PO2 Jacinto Arnado sa Traffic Division padung nang tungas ang ilang gisakyan ug posibling na-out-of-control ang drayber hinungdan nga nabanda-banda ang ilang sakyanan sa kilid sa flyover .
