ESCALANTE CITY, NEGROS OCCIDENTAL *- *Patay ang duwa ka persona lakip na diri ang isa ka menor edad samtang pilason ang anum ka iban pa matapos nga nadulaan sang preno ang ila ginasakyan nga Fuso Truck nga may karga sang tubog sa Sitio Sta. Ana, Brgy. Mabini syudad sang Escalante.
Ang biktima amo sanday Eunila Sebuha, 50 anyus kag Jay-R Canoy, 15 anyus.
Pilason naman amo sanday Sherly Villaran, Martin Varmebo, Carlo Daguya, Paulo Miguel, Sandy Señora, kag Rufino Repuya Jr.
Suno sa Escalante City PNP nga nadulaan sang preno ang gina-sakyan nga truck sang mga biktima sa diin kargado ini sang tubo kag nahulog naman sa tatlo ka metro nga kadalumon sang banglid sa amo nga lugar.
Nahibalu-an yara nagapungko sa front seat si Sebuha rason nga wala ini naka-gwa samtang si Canoy naman ang naglumpat kag natabunan sang tubo nga karga sang ila mismo salakyan kag amo naman ang gintunaan sang ila nga kamatayon.
