Grab nagdonate sang 400 ka raincoats sa mga traffic enforcers

211

BACOLOD CITY – Naghatag sang kapin 400 tanan ka mga poncho raincoats ang transport application company nga Grab paagi sa ila Bacolod manager Jocelyn Ann Yoshida sa Bacolod Traffic Authority Office ukon BTAO.

Ginpasalamatan ni Bacolod City Mayor Evelio Leonardia ang amo nga donasyon bangud sa masami naga gutok ang trapiko sa tion magtupa ang ulan bangud nga wala sang traffic enforcers sa dalan.

Ginpahayag naman ni BTAO Head Police Supt. Luisito Acebuche nga daku nga mabulig sang amo nga raincoats sa mga traffic enforcers agud nga bisan pa naga ulan ini sila ang pwede na karon nga makapatunga sa dalan kag magdirihir sang trapiko.


Ginpanugnahan ni Bacolod Mayor Evelio Leonardia ang pagbaton sang amu nga donasyon upod si Vice Mayor El Cid Familiaran, Executive Assistant Celestino Guara, BTAO head Supt. Luisito Acebuche kag mga traffic enforcer nga sanday Bernardine Camingawan kag Justine Baldonado.

Nahibaluan nga ang BTAO sa karon may yara sang kapin 400 tanan ka mga traffic enforcers nga naga serbisyo sa nagkalain lain nga mga dalanon diri sa ciudad sang Bacolod.

Facebook Comments