2 Patay sa pagpamusil sa Mananga Talisay

Duha ka mga lalaki ang gipamusil ug gipatay sa managlahi nga insidente sa Mananga 1 , Barangay Tabunok sa dakbayan sa Talisay niadtong Sabado ug Dominggo.

Unang gipusil ang usa ka gidudahang drug personality nga gialyasan ug “Jomong” samtang natug kini sa iyang giabangan nga kuwarto sa maong lugar.

Nakuha dool sa patay`ng lawas niini ang usa ka kalibri 357 nga paltik nga armas ug gamit sa pagrepack ug paggamit ug drugas.


Pag adlaw`ng Dominggo , usa ka traysikad driver ang gipusil-patay sa riding in tandem sa susamang dapit samtang naglingkod kini sa iyang sikad .

Ang biktima nailhan nga si Castancio Cansancio , 30 anyos nga taga Minglanilla apan temporaryong nag-istar sa Mananga I .

Gitohoang personal nga kasungian ang motibo sa pagpatay sa traysikad driver .

Facebook Comments