South Cotabato- PATAY ang duha ka makonsiderang High Value Target sa pagpayuhot ug iligal nga droga human nga misukol ngadto sa mga pulis atol sa gihimong Search Operation sa barangay Poblacion, Norala South Cotabato kaganinang kaadlawon.
Giila ang namatay nga si Ryan Barcarcel, legal age, residenti sa Purok San Miguel ug Melvin Montibon, legal age, residente sa Barangay Poblacion Norala.
Nasayran nga una nang nagpahigayon ug Search Operation ang Tropa sa Regional Police Drug Enforcement Unit (RPDEU)-12 sa panimalay sa mga suspek apan nisukol ang mga nasangpit mao nga natigayon ang engkwentro. Patay ang mga suspetsado samtang usa usab ka pulis ang samdan human sa insidenti.
Narekober sa balay sa mga suspek ang kinatibuk-ang walo ka sachet sa gituohang shabu, pusil, mga bala ug kwarta.
Nasayran nga ang duruha ang apil sa listahan ni pangulong Rodrigo Duterte sa mga lambigit sa iligal nga droga.
