Davao City- Nasakpan sa Task Force Davao personnel sa checkpoint sa Brgy Lacson, Calinan nga dili mga tinuod nga sundalo ang duha ka mga lalaking naka-military uniform.
Gi flag down ang gisakyang Nissan Navarra Calibre sa duha ka mga suspek nga giidentipikang sila Apolinar Salce Sugala ug Arvin Harold Egong Hernandez nga parehong nagsuot-suot og uniporme ug adunay mga short firearms.
Napangka atol sa pagberipika nga ang mga suspetsado wala namao ang paggamit sa mga insignia.
Sa pagpangayo sa mga awtoridad wala usab napakitang mga papeles sa pagkupot og armas ang mga suspek.
Gidakop ang duha ka mga suspek ug gipriso kini ngadto sa Calinan Police Station.
Nakumpiska sa TFD ang 9mm ug .45 nga baril.
Kasong paglapas sa RA 10591, Art. 177 ug 179 sa Revised Penal Code (RPC) ang atubangon sa mga dinakpan.
RadyoMaN Aimee Guinita
Facebook Comments
