Davao City – Gilayong nadala sa balay tambalanan si PSSg. Jirven Tolomoro sa Sta. Cruz Municipal Police Station human kini nadunggaban sa liog atol sa ilang operasyon niadtong Mayo 16, 2024 sa Brgy. Zone 2, Sta. Cruz, Davao del Sur.
Sa pakighinabi sa DXDC RMN Davao kang PLtCol. Kristopher Sabsal, ang hepe sa Sta. Cruz MPS, girespondehan sa ilang sakop ang gikatahong lalaking adunay dalang hinagiban nga nakaalarma sa mga residente.
Gisuwayan og pakig storya ni PSSg. Tolomoro ug iyang kauban ang suspect nga nailang si John Mosquisa pero wala kini mipatuo sa pulis hinungdan nga siya ilang gisuwayan og dakop. Apan, kalit lang nga nangisog ug misukol ang suspect ug gidunggab ang liog sa pulis.
Hinuon, dayong nahatagan og atensyong medikal ang pulis ug malampusong nadakpan sa kapulisan ang suspect kinsa anaa na karon sa ilang kustodiya.
RadyoMan Ivy Parido
Facebook Comments
