Davao City – Padayon ang ginahimong inspeksyon sa City Government of Davao sa mga pampubliko ug pribadong gambalay sa syudad sa Davao human sa sunod-sunod nga linog nga nasinatian sa dakbayan.
Gibutyag ni Davao City Mayor Sara Duterte-Carpio nga ang ang City Engineer’s Office ang naga-check karon sa mga public o government buildings.
Samtang, ang Office of the City Building Office (OCBO) ang naga inspeksyon sa pribadong gambalay sama sa malls, ug uban pang buildings nga sagad dagsa ang mga tao.
Matud sa Alkalde adunay duha ka wala ginganlang pribadong gambalay ang gika-report nga nagbaton og structural damage tungod sa sunod-sunod nga pagtay-og.
“Sa report sa atoang OCBO, aduna silay duha ka private buildings nga gitan-aw ug tan-awon usab, because related to structural damage ilang nakita sa buildings (tungod sa linog),” sulti ni Mayor Sara.
Sa laing bahin, nagbaton na usab og inspeksyon ang Davao City Disaster Risk Reduction and Management Office (DRRMO) sa mga landslide-prone areas sa syudad nga posibleng naapektuhan usab sa nasinatiang linog.
RadyoMaN Kirby Manzon
