Sara: COVID-19 cases sa Davao miubos

42

Davao City – Gikumpirma ni Davao City Mayor Sara Duterte-Carpio nga miubos ang kaso sa Coronavirus Disease 2019 (COVID-19) sa syudad sa Davao.

Gibutyag sa Alkalde nga niubos ang kaso tungod kay na-manage kini sulod sa mga pasilidad ug balay tambalanan sa dakbayan.


Gipasabot sa Mayor nga dako’g tabang ang pagpailawom sa syudad sa General Community Quarantine (GCQ) diin subay sa kasinatian sa milabay nga tuig ilawom sa Modified GCQ, mibaot sa 2,500 active cases a day ang matala diin mas ubos na ang matalang aktibong kaso sa kasamtangan ilawom sa GCQ.

“Pababa ang atoang cases (sa Davao City). Nakita nato last year during MGCQ, didto pud nagtaas ang atong cases nga anaa sa 2,500 active cases a day. Napababa nato na to 1,300 active cases today,” butyag sa Alkalde.

Samtang matud ni Mayor Sara, kung magpadayon ang pag-ubos sa kaso sa COVID-19 sa syudad, posibleng maluagan ang mga regulasyon nga kasamtangang ginapatuman.

Padayon ang pag-awhag ni Duterte-Carpio sa katawhan nga sundon gihapon ang ginapatumang minimum health standards aron malikayan ang COVID-19.




RadyoMaN Kirby Manzon

Facebook Comments