Dos maga pulis de Ayala Police Station quien entrao na watch list Counter Intelligence Task Force del Campo Crame ya sale muerto durante el buy-bust operation na Zone 8, Ayala enantes tarde.
Con el dos muerto pulis ya nombra como canda PO2 Maria Oliver Olaso y si PO3 Ronald Bernardo, ambos del Police Station 9.
Asegun na report del pulis, ya bene el maga miembro del CITF Campo Crame y ya coordina con el local pulis para el diila operacion donde serca man alas 3 del tarde cuando ya conduci el operacion.
Asegun despues el cambiajan del shabu y marked money, ya tira canda Olaso y Bernardo con el maga del CITF rason para tita tambien canila ya resulta na tirajan.
Ya muri on the spot el dos pulis despues estos ya sostene cuantos tuapada de bala na diila cuerpo.
Ya recobri el 45 pistola y 9mm pistola desde con el maga muerto pulis.
El operacion ya man back-up conel CITF amo el SAF, IG y PDEA.
