General Santos City—hingpit nang napasakaan ug kaso ang 2 sa 3 ka dinakpan sa Police Station 4 nga silang si Carl Angelo Arabutan ug Sheila Mae Yee, kansa una nang nakuhaan ug shabu ug marijuana niadotng nakalabayng adlaw.
Kasong kalapasan sa Sec. 11, Art. II sa R.A 9165 ang gipasang-at batok sa mga nahisgutan sa sala ni Prosecutor 1 kayumgenn Mato Kuda Jr. kagahapong adlawa, Disyembre 19, 2017. Samtang ang minor de edad nga kaubanan sa mga nahisgutan nagpabilin karon sa buhatan sa CSWDO.
Kahibaluan nga positibong Shabu ug Marijuana ang mga nakumpiska sa kapulisan gikan sa tulo ka mga suspek base na usab sa resulta sa Quantitative ug Qualitative Examination nga gipahigayon sa Philippine Drug Enforcement Agency, Regional Office-12.
Kahinumduman nga una nang nadakpan ang tulo sa gihimong Oplan sita sa Police Station 4 sa may Nuñez Street, Barangay San Isidro human nga namatikdang kadudahan ang ilang lihok dihang sila gisita.
