Davao City – Kasong murder ang ipasaka sa Talaingod Municipal Police Station batok sa mga sakop sa Guerilla Front 55 New People’s Army kinsa gitudlong nipatay sa asawa ni Mario Mantayona nga usa ka CAFGU sa ilahang panimalay sa Sitio Nasilaban, Barangay Palma Gil niadtong adlawng Sabado.
Sa interbyu sa RMN Davao kang Talaingod MPS chief of police Senior Inspector Rogaciano Gara nga ipasang-at nila ang kaso ugmang adlawa sa piskalya sa Tagum City batok sa lider sa GF 55 nga si Rommel Tausan ug membro nga si Dalagis Balite.
Sumala ni Gara ang mga mamumuno positibong na-identipika sa ilahang gikuptang saksi.
Adunay mga samad pinusilan sa tiyan ang biktima nga si Gina Montayona, 23 anyos.
Sumala ni Gara nga ang target sa mga NPA ang bana niini nga CAFGU kinsa naka duty sa detachment atol sa insidente.
Sa usa ka press briefing gibutyag ni Montayona nga gipatay sa mga NPA ang iyahang asawa kay gisuspetsahan nila kining intel sa armadong kusog.
RadyoMaN Aimee Guinita
