2 seniors sa Calinan nalumos-patay

95

Davao City – Duha ka senior citizens ang nakit-ang patay sa managlahing lugar sa Calinan ning syudad sa Davao kagahapong adlawa (Pebrero 5, 2021) human kini nangalumos.

Sa interbyu sa DXDC RMN Davao kang Police Senior Master Sergeant (PSMS) Roger Nuñez sa Calinan PNP, giila niini ang biktima nga si Nestor Boton, 63-anyos residente sa Purok 3-D, Kulabol, Barangay Lamanan, Calinan, Davao City.


Sa report, nag-inom kini niadtong Huwebes (Pebrero 4, 2021) ug sa dihang pauli kini sa ilang balay patabok sa sapa, nabagok ang ulo niini ug nalumos rason sa iyang pagkamatay ug nakit-an na lamang sa maong lugar kagahapon sa buntag.

Hinuon, walay foul play nga nakita sa insidente.

Samtang, wala na usay kinabuhi nga nakit-an ang usa ka Alan Joaquin, 52-anyos, residente sa residente sa Purok 1-C, Barangay Talomo River, Calinan, Davao City.

Sa report, walay nakakita sa dihang nahulog kini sa usa ka 8 feet nga kanal o open hole sa usa ka construction sa lugar, ug patay na kining nakit-an pagka ugma.




Wala usay foul play nga nakita ang otoridad.

Pahimangno sa otoridad labi na sa mga edaran o anaa sa bulnerableng sektor, nga likayan ang ang pag gawas labi na niining panahon sa pandemya aron malikay sa unsa mang disgrasya.

“Mag-amping gyud labi nga naay pandemic. Dili mag gawas-gawas, dili mag inom-inom, pondo nalang sa balay. Labi na sa mga senior citizen, puro man gud ‘ni senior, nag gawas-gawas, naglaag-laag… unya nagabhi-an,” tambag sa pulis.

RadyoMaN Kirby Manzon

Facebook Comments